Gürcüstanda karantin müddəti azaldıla bilər

Dünya təcrübəsinə uyğun olaraq, Səhiyyə Nazirliyi və Xəstəliklərə Nəzarət və İctimai Səhiyyə Milli Mərkəzi təcrid müddətinin azaldılmasını müzakirə edəcək.

lnterPress.ge xəbər verir ki, bu barədə İrakli Qaribaşvilinin sədrliyi ilə videokonfrans formatında keçirilən İdarələrarası Koordinasiya Şurasının bu gün keçirilən iclasında Gürcüstanın baş naziri qurumlara müvafiq göstəriş verib.

Şura üzvləri ölkədəki epidemioloji vəziyyəti müzakirə ediblər.

Bildirilib ki, yoluxma hallarının 95%-i  “Omikron” ştamından irəli gəlir. Xəstələrin əksəriyyəti evdə müalicə olunur və onların səhhətinə ailə həkimləri nəzarət edir. 

Şura iclası virus infeksiyasının yüngül gedişi və xəstəxanaya yerləşdirmənin qarşısını almaq üçün peyvəndin və  buster dozanın vacibliyini təkrarladı. Qurumlararası Koordinasiya Şurası bir daha vətəndaşları maska taxmağa, qüvvədə olan qaydalara əməl etməyə, izdihamlı toplantılardan çəkinməyə və virusun simptomları aşkar edildikdə evdə qalmağa çağırır.