Gürcüstanda yeni növ koronavirusa (COVID-19) son 24 saat ərzində 19 098 yeni yoluxma halı qeydə alınıb.
InterPress.ge xəbər verir ki, bu barədə məlumatı Milli Xəstəliklərə Nəzarət Mərkəzi yayıb.
Bununla da ölkədə virusa yoluxanların ümumi sayı 1 314 603 nəfərə çatıb.
Sağalanların sayına gəldikdə isə, ölkədə son 24 saat ərzində 17 531 sağalma qeydə alınaraq ümumi sağalanların sayı 1 089 091 nəfər təşkil edib.
Eyni zamanda bildirilir ki, bu gün koronavirusdan daha 38 nəfər ölüb və ölənlərin ümumi sayı 14 212 nəfər təşkil edib.
