Dimitri Xundadze: "Pandemiyanın mənfi nəticələri demoqrafik mənzərəni daha da pisləşdirəcək"

"Təəssüf ki, pandemiyanın  mənfi nəticələri demoqrafik mənzərəni daha da pisləşdirəcək. Biz  2021-ci ildə ən aşağı təbii artıma sahib ola bilərik".

InterPress.ge xəbər verir ki, bu barədə parlamentin plenar iclasında Səhiyyə Komitəsinin sədri Dimitri Xundadze deyib.

Xundadzenin sözlərinə görə, buna son 30 ildə ağır demoqrafik keçmiş və indiki pandemiya imkan yaradır.

Onun sözlərinə görə, ölkədə peyvəndləmə səviyyəsi aşağıdır və nəticədə ölüm faizi yüksəkdir.

"Buna görə də, komitə 2016-cı ildə komandamızın qəbul etdiyi dövlət demoqrafik təhlükəsizlik sənədinə qayıdacaq və partiya mənsubiyyətindən asılı  olmayaraq fəaliyyət planı  üzərində işini bərpa edəcək”, - deyə  Dimitri Xundadze bildirib.

Pandemiyanın çağırışlarından danışan səhiyyə komitəsinin sədri qeyd edib ki, biz bu gün ən pis peyvənd olunmuş əhaliyik, bu çox təhlükəlidir.

"Pandemiyanın idarə olunması mexanizmlərinin təkmilləşdirilməsi məqsədi ilə Komitə yaxın günlərdə tövsiyələr verəcək, bunun üçün klinikaların klinik rəhbərləri, reanimatoloqlar, ilkin tibbi yardım həkimləri və Səhiyyə Nazirliyi, o cümlədən mərkəzlərin nümayəndələri ilə intensiv görüşlər keçiriləcək. Bununla belə, vətəndaşların məsuliyyəti olmadan istənilən nəticəni əldə etmək mümkün olmayacaq, çünki xəstəlik laqeyd və səthi münasibəti sevmir”, – deyə  Dimitri Xundadze bildirib.