Siğnağidə ev yanıb və hadisənin qisas motivli olduğu bildirilir

Siğnaği bələdiyyəsində ev yanıb. Hadisə gecə saatlarında Cuqaani kəndində baş verib. Yanğın nəticəsində dağılan ev bir neçə gün əvvəl həmin kənddə baş vermiş qətldə təqsirləndirilən Mamuka Mokveraşviliyə məxsusdur.

lnterPress.ge xəbər verir ki, bu barədə yerli əhali məlumat verib.

Binanın əsas hissəsi və ev əşyaları yansa da, qəza nəticəsində xəsarət alan olmayıb.

Yerli əhalinin sözlərinə görə, hadisə qisasla bağlı ola bilər, çünki 68 yaşlı qadını öldürməkdə ittiham olunan Mamuka Mokveraşvilinin həbsindən sonra onun evində heç kim olmayıb.

Hadisə ilə bağlı araşdırmalara başlanılıb.