Gömrükdə bəyan edilməmiş 82 min dollar saxlanıldı

“Sarpi” və “Tbilisi Hava Limanı” gömrük-keçid məntəqələrində Maliyyə Nazirliyinin Gəlirlər Xidmətinin gömrük əməkdaşları Türkiyə və Gürcüstan vətəndaşlarının  E.H və Z.Ş üzərində aparılan axtarış nəticəsində bəyan edilməmiş məbləğdə ümumilikdə 82 min dollar aşkar ediblər.

InterPress.ge xəbər verir ki, bu barədə məlumatı Gəlirlər Xidməti yayıb.

Agentliyin məlumatına görə, ümumi bəyan edilməmiş məbləğ, Milli Bankın məzənnəsinə əsasən, 251 832,4 lari təşkil edib.

Gürcüstan Gömrük Məcəlləsinin 169-cu maddəsinin 3-cü hissəsinə uyğun olaraq, qaydanı pozan vətəndaşlar  25 183,24 lari məbləğində cərimə (bəyan olunmamış məbləğin 10%-i miqdarında) olunublar”, - deyə məlumatda bildirilir.