Gürcüstanda kömür mədənində partlayış oldu, ölən və xəsarət alanlar var

Gürcüstanın Tkibuli şəhərində Mindeli adına kömür mədənində partlayış baş verib.

InterPress.ge xəbər verir ki, qəza nəticəsində 9 nəfər müxtəlif dərəcəli xəsarətlər alıb.

Yaralananlar xəstəxanaya yerləşdirilib. Onlardan biri ölüb, digərlərinin vəziyyəti isə ağır qiymətləndirilir.

Partlayış nəticəsində xəsarət alan 8 nəfər təcili tibbi yardım briqadaları tərəfindən Tbilisidəki Xeçinaşvili klinikasına aparılıb.

Onlardan birinin vəziyyəti ağırdır. Həkimin sözlərinə görə, onun bədəninin yuxarı hissəsində və tənəffüs yollarında yanıqlar var.

Daha dörd xəstənin bədənində yanıq xəsarətləri var.

Partlayışın səbəbləri araşdırılır.