Almaniya səfiri Marneuliyə səfər edib

Bu gün Almaniya səfiri Hubert Knirşi Marneuliyə səfər edib. Səfiri Marneuli Bələdiyyəsinin meri Kənan Ömərov qonaq edib.

lnterPress.ge xəbər verir ki, bu barədə Marneuli meriyası məlumat verib.

Məlumata görə, tanışlıq görüşündə Marneuli Bələdiyyəsində həyata keçirilən infrastruktur layihələri, ikili təhsil, Aİ ölkələri ilə azad ticarət sazişi çərçivəsində yerli kənd təsərrüfatı məhsullarının ixracı müzakirə olunub.

Verilmiş məlumatda qeyd olunub ki, “Görüşün sonunda tərəflər gələcək əməkdaşlığa hazır olduqlarını bildirib və bir-birlərinə simvolik hədiyyələr veriblər”.