Gürcüstanda koronavirusa yoluxma sayı yenidən rekord həddə çatdı

Gürcüstanda yeni növ koronavirusa (COVID-19) son 24 saat ərzində 15 762 yeni yoluxma halı qeydə alınıb.

InterPress.ge xəbər verir ki, bu barədə məlumatı Milli Xəstəliklərə Nəzarət Mərkəzi yayıb.

Bununla da ölkədə virusa yoluxanların ümumi sayı 1 075 154 nəfərə çatıb.

Sağalanların sayına gəldikdə isə, ölkədə son 24 saat ərzində 5 160 sağalma qeydə alınaraq ümumi sağalanların sayı 972 745 nəfər təşkil edib.

Eyni zamanda bildirilir ki, bu gün koronavirusdan daha 42 nəfər ölüb və ölənlərin ümumi sayı 14 774 nəfər təşkil edib.