Gürcüstanda gündəlik koronavirusa yoluxanların sayı 8000-i ötdü

Gürcüstanda yeni növ koronavirusa (COVID-19) son 24 saat ərzində 8 728 yeni yoluxma halı qeydə alınıb.

InterPress.ge xəbər verir ki, bu barədə məlumatı Milli Xəstəliklərə Nəzarət Mərkəzi yayıb.

Bununla da ölkədə virusa yoluxanların ümumi sayı 1 015 592 nəfərə çatıb.

Sağalanların sayına gəldikdə isə, ölkədə son 24 saat ərzində 8 545 sağalma qeydə alınaraq ümumi sağalanların sayı 943 212 nəfər təşkil edib.

Eyni zamanda bildirilir ki, bu gün koronavirusdan daha 43 nəfər ölüb və ölənlərin ümumi sayı 14 555 nəfər təşkil edib.