Çətin meteoroloji şəraitlə əlaqədar hazırda Gürcüstan ərazisində nəqliyyatın hərəkətinə məhdudiyyətlər tətbiq edilib.
InterPress.ge xəbər verir ki, bu barədə Avtomobil Yolları Departamenti məlumat yayır.
Qar və buzla əlaqədar beynəlxalq əhəmiyyətli Mçxeta-Stepantsminda-Larsi yolunun Qudauri-Kobi hissəsində qoşqu və yarımqoşquların hərəkəti qadağan edilib, digər növ avtonəqliyyat vasitələrinin hərəkəti sərbəstdir.
Qar, qar fırtınası və görmə şəraitinin pisləşməsi ilə əlaqədar daxili əhəmiyyətli Koda-Parçxisi-Manqlisi-Tsalka-Ninotsminda yolunun km105-km110 (Paravani aşırımı) hissəsində qoşquların, yarımqoşquların və 30 yerdən çox tutumu olan avtobusların hərəkəti qadağandır, digər nəqliyyat vasitələrinin hərəkəti isə sərbəstdir.
Güclü qar səbəbindən daxili əhəmiyyətli Kutaisi-Tkibuli-Ambrolauri avtomobil yolunun km39-km62 (Nakerala aşırımı) hissəsində qoşqu və yarımqoşquların hərəkəti qadağan edilib, digər növ avtonəqliyyat vasitələrinin hərəkəti sərbəstdir.
Onların sözlərinə görə, tətbiq edilən məhdudiyyətlər aşağıdakı yollar üçün qüvvədə qalır:
Güclü qar səbəbindən Saçxere-Oni yolunda qoşqu və yarımqoşquların hərəkəti qadağan edilib, digər növ avtonəqliyyat vasitələrinin hərəkəti sərbəstdir.
Güclü qar səbəbindən daxili əhəmiyyətli Batumi-Axalçixe avtomobil yolunun km86-km106-cı hissəsində bəzi nəqliyyat vasitələri üçün hərəkət qadağan edilib.
Qar və buzla əlaqədar olaraq Kutaisi-Cğaltubo-Çaqeri-Lentexi-Lasdili yolunun km88- km125 (Lentexi-Mele) hissəsində qoşqu və yarımqoşquların hərəkəti qadağan edilib. Digər növ nəqliyyat vasitələrinin hərəkətinə sürüşməyə qarşı zəncirlərdən istifadə etməklə icazə verilir.
Magistral yolunun km1-km88 (Cğaltubo döngəsi-Lentexi) hissəsində nəqliyyatın hərəkəti sərbəstdir.
Daxili əhəmiyyətli Zuqdidi-Cvari-Mestia-Lasdili avtomobil yolunun km138-km186 (Mestia-Uşquli) hissəsində qoşqu, yarımqoşquların və tutumu 30-dan çox olan avtobusların hərəkəti qadağandır. Eyni zamanda, sürüşməyə qarşı zəncirlərdən istifadə etməklə yüngül avtomobillərin hərəkətinə icazə verilir.
Magistral yolunun km1-km138 (Zuqdidi-Mestia) hissəsində nəqliyyatın hərəkəti sərbəstdir.
Avtomobil Yolları Departamenti sakinləri qış mövsümünə uyğun təkərlərlə, düzgün nəqliyyat vasitəsi ilə idarə etməyə və magistral yollarda tətbiq olunan rejimlərə əməl etməyə çağırır.
