Quriyada bədbəxt hadisə baş verdi

Çoxatauridə elektrik mişarı ilə ailələrin birində fərdi iş görən 45 yaşlı kişi ağacdan yıxılıb.

InterPress.ge xəbər verir ki, bu barədə
Quria nyus məlumat yayır.

Məlumata görə, yaralı Kutaisi xəstəxanasına çatdırılsa da, onu xilas etmək mümkün olmayıb.

Həkimin sözlərinə görə, o, xəstəxanaya yerləşdirilən zaman vəziyyəti ağır olub. Zərərçəkmiş travmatik şok, çanaq sümüyü sınığı, böyrək zədəsi və kəllə-beyin travması alıb.

Mərhumun həyat yoldaşı və üç azyaşlı uşağı qalıb.