Qazaxıstana getmək istəyənlərin nəzərinə! Gürcüstanın Xarici İşlər Nazirliyi məlumat yayır

Gürcüstan və Qazaxıstan arasında uçuşlar var və mövcud gərgin vəziyyətə baxmayaraq, ləğv edilməyib.

Interpress.ge xəbər verir ki, bu barədə
Xarici İşlər Nazirliyi məlumat verir.

Nazirlikdən verilən məlumata görə, Qazaxıstanda Gürcüstan vətəndaşları üçün qaynar xətt artıq aktivdir.

“Məlum olduğu kimi, Mangistau rayonu və Almatada fövqəladə vəziyyət, komendant saatı tətbiq edilib. Uçuşlara gəlincə, Gürcüstan-Qazaxıstan uçuşları mövcuddur. Gürcüstanın Qazaxıstandakı səfirliyi normal rejimdə işləyir, qaynar xətt aktivləşdirilib və Gürcüstan vətəndaşları bu nömrəyə +7 (717) 224-32-58 zəng edə bilərlər", - Xarici İşlər Nazirliyinin yaydığı məlumatda deyilir.