Vəkil: "Mixeil Saakaşvilinin aclıq aksiyası elan etməsini düzgün addım hesab edə bilmərəm"
"Mənim məsləhətim odur ki, Mixeil Saakaşvili öz sağlamlığının qayğısına qalsın, çünki zəifləmiş halda həbsxanada oturmuş Saakaşvili siyasi rəqiblərin, o cümlədən cənab İvanişvilinin istəyidir".
InterPress.ge xəbər verir ki, bu barədə Mixeil Saakaşvilinin vəkili Qiorqi Mşvenieradze Rustavi həbsxanasında Mixeil Saakaşvili ilə görüşdən sonra bildirib.
Mşvenieradzenin sözlərinə görə, o, Saakaşviliyə aclıq aksiyasına başlamamağı tövsiyə edib.
“Ona görə də indiki mərhələdə aclıq aksiyası elan etməsini düzgün addım hesab edə bilmərəm, bunu hətta ona da dedim. Ümid edirəm ki, o, bu məsləhəti mütləq nəzərə alacaq, çünki bundan yalnız Bidzina İvanişvili faydalanacaq.
Mən prezident Saakaşvilinin yerinə onun vəziyyətini təsvir edə bilmərəm. O, nevroloji problemlərlə bağlı tibbi yardıma ehtiyacı olduğunu deyir. Bildiyimə görə, cəzaçəkmə müəssisəsində həkim onunla məsləhətləşib. Saakaşvili ilə görüşündən sonra məlum oldu ki, onun ixtisaslı tibbi yardıma ehtiyacı var”, - Mşvenieradze bildirib.
