Saakaşvilinin vəkilləri Rustavidəki 12-ci Cəzaçəkmə Müəssisəsinə buraxıldı

Gürcüstanın üçüncü prezidentinin vəkilləri Rustavidəki 12-ci Cəzaçəkmə Müəssisəsinə buraxılıb.

InterPress.ge xəbər verir ki, Nika Qvaramia, Dimitri Sadzaqlişvili və Beka Basilaia Mixeil Saakaşvili ilə görüşmək üçün içəri daxil olublar.

Onlar cəzaçəkmə müəssisəsinə daxil olarkən mediaya açıqlama verməyiblər.

Məlumat üçün bildirək ki, Mixeil Saakaşvili dünən gecə saatlarında Qori Hərbi Hospitalından Rustavidəki 12-ci Cəzaçəkmə Müəssisəsinə köçürülüb.

Saakaşvilinin vəkilləri, VMH üzvləri və fəallar Rustavi həbsxanasının həyətinə toplaşmağa başlayandan sonra xüsusi təyinatlılar və su maşınları əraziyə daxil olub.