Şalva Papuaşvili parlamentin sədri seçildi

“Gürcü Arzusu” tərəfindən namizədliyi irəli sürülmüş deputat Şalva Papuaşvili 88 səslə parlamentin sədri seçilib. 

InterPress.ge xəbər verir ki, parlamentin bir üzvü onun əleyhinə səs verib.

Şalva Papuaşvili onuncu çağırış parlamentin üçüncü sədridir.

Səsvermədən əvvəl Şalva Papuaşvili tribunadan parlament qarşısında çıxış edib və deputatların suallarını cavablandırıb.

Məlumat üçün bildirək ki, Kaxa Kuçava parlamentin sədrliyindən istefa verib. Onu parlamentin sədri vəzifəsində Şalva Papuaşvili əvəz edəcək.