Prezident təbrik məktubu paylaşdı

Gürcüstan Prezidenti Salome Zurabişvili bu gün Gürcüstanda və bütün dünyada Milad bayramını qeyd edən xristian kilsələrini və xristian din xadimlərini təbrik edir.

InterPress.ge xəbər verir ki, prezidentin təbrik məktubu onun rəsmi Facebook səhifəsində yer alıb.

“Bu gün xristian dünyasının bir hissəsi Milad bayramını qeyd edir. Xristian kilsələrini və din xadimlərini, bu gün Gürcüstanda və bütün dünyada Milad bayramını qeyd edən hər kəsi ən böyük xristian bayramı münasibətilə təbrik edirəm!

Dini konfessiyaların çoxəsrlik dinc yanaşı yaşaması ənənəsi ölkəmizin sərvəti və fəxridir. Qoy bu ənənə ölkəmizdə əbədi yaşasın və müxtəlif dinlərə mənsub insanların birgə sülh, sevgi və qarşılıqlı hörmət şəraitində yaşamalarına nümunə olsun.

Bu bayram hər kəsə sülh və firavanlıq, uzun ömür və sağlamlıq gətirsin!” – Gürcüstan Prezidentinin təbrikində deyilir.