Gürcüstanda tikinti xərcləri bahalaşıb

Tikinti xərcləri indeksi əvvəlki rüblə müqayisədə yüzdə 1,8 artıb. 

InterPress.ge xəbər verir ki, müvafiq hesabatı Milli Statistika Xidməti yayıb.

Geostat-dan verilən məlumata görə, dəyişiklik əsasən tikinti materiallarının qiymətlərinin 2,7 faiz artması ilə əlaqədar olub ki, bu da ümumi indeksin dəyişməsinə 1,59 faiz punkt töhfə verib.

Tikinti dəyəri indeksi ötən ilin müvafiq rübü ilə müqayisədə 14,1 faiz artıb. İndeksin artımı əsasən tikinti materiallarının qiymətlərinin 19,6 faiz artması hesabına baş verib ki, bu da ümumi indeksin dəyişməsində 11,07 faiz punktla özünü göstərib.