Eka Xerxeulidze: "Saakaşvilinin müalicəsi üçün xarici həkim cəlb olunacaq"

"Qoridə xəstəxanaya yerləşdirilən Gürcüstanın üçüncü prezidenti Mixail Saakaşvilinin diqqəti bu günə planlaşdırılan izdihamlı mitinq üçün Rustaveli prospektinə cəmlənib".

InterPress.ge xəbər verir ki, bu barədə
Vahid Milli Hərəkat Partiyasının üzvü Eka Xerxeulidze bildirib.

Bununla belə, Xerxeulidzenin Saakaşvili ilə görüşündən sonra qeyd etdiyinə görə , üçüncü prezident özünü zəif hiss edir və onun müalicəsinə əcnəbi həkimin cəlb olunmasını gözləyir.

“Vəziyyət dəyişməzdir. Özünü zəif hiss edir. Müalicə müddətində heç bir xüsusi müdaxilə edilmədiyini nəzərə alsaq, vəziyyəti bu qədər qısa müddətdə düzələ bilməzdi. Ən qısa müddətdə xarici həkimin bu prosesin müəyyən qədər tənzimlənməsinə kömək etməsi gözlənilir. Hər bir halda heç nəyə etibar yoxdu.

Əhval-ruhiyyəyə gəlincə, mən tibb işçilərinin qərarına təəccüblənirəm - otaqda şam ilə tort gördüm, bu insanlar onu ad günü münasibətilə təbrik etdilər və insanlar öz münasibətini açıq şəkildə ifadə etməyə cəsarət edəndə sevinirəm. İndi anası yanındadır. Mixail Saakaşvilinin bütün diqqəti Rustaveli prospektinə cəmlənib, çünki o, bu gün öz məzmunu ilə rezonans doğuracaq izdihamlı mitinq gözləyir. Mən sizə deyirəm ki, bu olacaq. İnsanların onun qanunsuz həbsinə etiraz etmək üçün onun ad gününə toplaşması faktı bütün maraqlı insanlar üçün mühüm və əlamətdardır”, - deyə Xerxeulidze bildirib.