Mixeil Saakaşvilinin növbəti məhkəməsi təyin edildi

Gürcüstanın üçüncü prezidenti Mixeil Saakaşvilinin dövlət sərhədini qanunsuz keçməsi ilə bağlı cinayət işi üzrə məhkəmə prosesi sabah, dekabrın 22-də keçiriləcək.

InterPress.ge xəbər verir ki, məhkəmə saat 12:00-da Tbilisi Şəhər Məhkəməsində keçiriləcək.

Saakaşvilinin öz məhkəməsində iştirak edib-etməyəcəyi onun səhhətindən asılıdır.

Sabahkı məhkəmə iclasında işin mahiyyəti üzrə ilk iclas keçiriləcək. Prosessual olaraq tərəflər giriş sözlərini deməlidirlər.

Xatırladaq ki, Daxili İşlər Nazirliyi oktyabrın 1-də Mixeil Saakaşvilinin sərhədi qanunsuz keçməsi ilə bağlı araşdırmalara başlayıb. Sözügedən iş çərçivəsində daha 4 nəfər - Elquca Tsomaia, Zurab və Şalva Tsotsoria və Qiorqi Narimanidze ittiham olunub.