Saakaşvili ölkənin dördüncü prezidentinin onunla görüşməsinə münasibət bildirdi

Gürcüstanın üçüncü prezidenti Mixail Saakaşvili dördüncü prezident Giorgi Marqvelaşvili ilə görüşməyə hazır olduğunu bildirib. 

InterPress.ge xəbər verir ki, O, hökuməti Marqvelaşviliyə maneə yaratmamağa çağırır.

“Giorgi Marqvelaşvilinin tutduğu fəal mövqeyə görə minnətdaram. Böhrandan çıxmaq yolları və ölkəmizin gələcəyi barədə danışmaq üçün istənilən vaxt onunla görüşməyə hazıram.

Mən hökuməti Gürcüstanın dördüncü prezidentinə maneə yaratmamağa çağırıram.

“Mən həmçinin Vahid Milli Hərəkat liderləri ilə prezident Zurabişvili arasında dialoqun başlanmasını alqışlayıram”, - Saakaşvili yazıb.

Məlumat  üçün qeyd edək ki, Giorgi Marqvelaşvili Saakaşviliyə baş çəkmək xahişi ilə Penitensiar Xidmətə, Müdafiə Nazirliyinə və Səhiyyə Nazirliyinə müraciət edib. O, məktubda Mixail Saakaşvili ilə prezident Zurabişvilinin başlatdığı “barışıq prosesi”ni müzakirə etmək istədiyini izah edib.
Giorgi Marqvelaşvili məsələni müzakirə etmək üçün artıq Gürcüstanın hazırkı prezidenti Salome Zurabişvili ilə görüşüb.