Nikol Paşinyan Gürcüstana gəlir

Ermənistan Respublikasının baş naziri Nikol Paşinyan bu gün Gürcüstana işgüzar səfər edəcək.

InterPress.ge xəbər verir ki, bu barədə hökumət administrasiyasından məlumat verilib.

Hökumət administrasiyasının məlumatına görə, Gürcüstan hökumətinin başçısı erməni həmkarı ilə hökumət administrasiyasında saat 14:00- da  təkbətək görüş keçirəcək, ondan sonra İrakli Ğaribaşvilinin və Nikol Paşinyanın sədrliyi ilə hökumətlərarası iqtisadi komissiyanın iclası keçiriləcək.

İclasda Gürcüstan və Ermənistan hökumətinin üzvləri, müvafiq qurumların nümayəndələri iştirak edəcəklər.