Mixeil Saakaşvili Ukrayna xalqına müraciət edir

Gürcüstanın üçüncü prezidenti Ukrayna vətəndaşlarına müraciət edir.

InterPress.ge xəbər verir ki, Mixeil Saakaşvilinin məktubunu teleaparıcı Savik Şuster öz proqramında oxuyub.

"Əksəriyyətinin məni dəstəklədiyi ölkədə qeyri-qanuni olaraq həbsxana kamerasındayam və azadlığa çıxmağımda əməyi olan hər kəsə minnətdaram. Siyasi məhbus kimi mənim informasiya əldə etmək imkanım çox məhduddur, lakin məlumatlar yenə də mənə çatır.

Ukrayna təhlükə altındadır, onun sərhədləri boyu misli görünməmiş düşmən qüvvələri cəmləşib, Qərb artıq hərbi əməliyyatlarda iştirak etməyəcəyini bəyan edib, lakin Rusiya qoşunlarının Ukraynaya girəcəyi təqdirdə ciddi iqtisadi sanksiyalar olacaq. Bu Putini dayandırmaq üçün kifayətdirmi?  - Mən belə düşünmürəm, amma bilirəm ki, yalnız Ukrayna xalqının birliyi və gücü buna mane olacaq, siz Ukrayna xalqının gücünü əlindən ala bilməzsiniz. Mən dəfələrlə əmin olmuşam ki, prezident Vladimir Zelenski Putindən qorxmur, bu bizim regionda unikal xüsusiyyətdir.

Nə səngərdəki əsgərlərdə, nə də ehtiyatda olan əsgərlərdə bu qorxu yoxdur, amma təəssüf ki, birlik baxımından vəziyyət pisdir. Müxtəlif tərəflərdən olan Ukrayna siyasətçilərinin, o cümlədən dostlarımın ölkəni zəiflətməsinə və qütbləşməni dərinləşdirməsinə baxmaq çox ağrılıdır. Təbii ki, problemlər çoxdur, amma indi rəqibi boğmaq arzusu ilə ölkəni dağıtmaq vaxtı deyil. Bu gün təhlükə bu qədər real olanda və seçkilərə hələ xeyli vaxt qaldıqda, fikir ayrılıqlarını aradan qaldırıb işğalçıya qarşı hakimiyyət ətrafında deyil, Ukrayna və onun komandası ətrafında cəbhə qursaq, düzgün olar. Birlik olanda dünya bizi daha çox dəstəkləyəcək. Bizim gücümüz birlikdədir və heç bir təcavüzkar Ukraynaya girməyə cəsarət etməyəcək", - Mixeil Saakaşvili deyib.