Gürcüstanda koronavirusun son statistikası açıqlandı

Gürcüstanda yeni növ koronavirusa (COVID-19) son 24 saat ərzində 2 979 yeni yoluxma halı qeydə alınıb.

InterPress.ge xəbər verir ki, bu barədə məlumatı Milli Xəstəliklərə Nəzarət Mərkəzi yayıb.

Bununla da ölkədə virusa yoluxanların ümumi sayı 904 181 nəfərə çatıb.

Sağalanların sayına gəldikdə isə, ölkədə son 24 saat ərzində 3 470 sağalma qeydə alınaraq ümumi sağalanların sayı 852 560 nəfər təşkil edib.

Eyni zamanda bildirilir ki, bu gün koronavirusdan daha 53 nəfər ölüb və ölənlərin ümumi sayı 12 971 nəfər təşkil edib.