Gələn ilin martından Gürcüstanda dərialtı çipləri almaq mümkün olacaq.
InterPress.ge xəbər verir ki, mikroçiplər Apple şirkətinin Gürcüstandakı rəsmi ticarət şirkətinin iPlus mağazalarında satılacaq.
"BioHax International çipləri sağ və ya sol əlin barmaq dərisinin altında yapışdırılır, ona görə sizə artıq cibinizdə avtomobil açarı tapmaq, ev və ya parkinq qapısının açarı axtarmaq lazım gəlməyəcək, şirkətimiz mənzilinizdə, parkinqdə, ofisinizdə, avtomobilinizdə əlinizi sadəcə yaxınlığına aparmaqla bütün qapıları sadəcə əl ilə açmağı təklif edəcək", - şirkətin yaydığı məlumatda bildirilir.
İsveçdə bu texnologiyadan hazırda 30 000-dən çox insan istifadə edir.
