SOCAR Gürcüstanda 700-dən çox yaşayış məntəqəsini qazlaşdırıb

Azərbaycan Dövlət Neft Şirkətinin (SOCAR) Gürcüstandakı törəmə şirkəti olan “SOCAR Georgia Gas” hazırda 780 mindən çox müştəriyə xidmət göstərir. 

InterPress.ge xəbər verir ki, bu barədə şirkətin direktoru Azər Məmmədov məlumat verib.

Onun sözlərinə görə, şirkət Gürcüstanda 700-dən çox yaşayış məntəqəsini qazlaşdırıb və 11 min kilometr qaz xətti çəkib.

Qeyd edək ki, “SOCAR Georgia Gas” Gürcüstanın təbii qaz bazarına 2007-ci ildə daxil olub. Şirkətdə 2000-dən çox işçi çalışır.

(hsb)