Qurumlararası Koordinasiya Şurasının iclası keçirildi
Hökumət Administrasiyasında baş nazir İrakli Ğaribaşvilinin rəhbərliyi ilə bu gün keçirilən Qurumlararası Koordinasiya Şurasının iclasında “Yaşıl pasport”un işi və vaksinasiya prosesi müzakirə edilib.
InterPress.ge xəbər verir ki, dekabrın 1-dən “Yaşıl pasport” konsepsiyası qüvvəyə minib ki, bu da o deməkdir ki, vətəndaşlar müəyyən obyektlərə yalnız “Yaşıl pasport” prinsipi ilə daxil ola bilərlər.
“Yaşıl pasport” tələbi yalnız 18 yaşdan yuxarı vətəndaşlar üçün keçərlidir.
Qeyd etmək lazımdır ki, şəxs tam peyvənd olunubsa, 72 saat etibarlı PCR testindən və ya 24 saat etibarlı antigen testindən keçibsə və ya koronavirus keçiribsə, yaşıl statusa malikdir. Yaşıl statusu təsdiqləmək üçün iki tətbiqdən istifadə olunur - Gürcüstanda peyvənd olunmuş şəxslər (o cümlədən xarici ölkə vətəndaşları) Georgia e-Health-da qeydiyyatdan keçdikdən sonra əldə edilmiş QR kodu ilə öz yaşıl statusunu təsdiq EU Gateway ölkələrinə (Aİ + 25 ölkə) səyahət edə bilərlər. Georgia e-Health Gürcüstan ərazisində yaşıl kart/pasport kimi də işləyir. Bundan əlavə, Covidpass Georgia tətbiqi yalnız Gürcüstan ərazisində istifadə olunur və Gürcüstanın e-Health tətbiqi ilə tam əhatə oluna bilməyən bütün Gürcüstan qaydalarını əhatə edir.
Tətbiq həm öz statusunuzu təsdiqləmək, həm də başqalarının statusunu yoxlamaq üçün istifadə olunur və ondan həm Gürcüstan, həm də xarici vətəndaşlar istifadə edə bilər. Bundan əlavə, Gürcüstanın müxtəlif ərazilərinə daxil olmaq üçün peyvənd mərkəzlərində, klinikalarda və ədliyyə evlərində çap olunmuş, QR kodu və ya ştrix-kod ilə müşayiət olunan sənəddən (Covid kartı) istifadə etmək də mümkündür.
Qurumlararası Koordinasiya Şurası bir daha vətəndaşları vaksinasiya prosesində fəal iştirak etməyə, maska taxmağa və sosial məsafəni qorumağa çağırır.
