İstintaq Xidməti üç nəfəri saxladı

Gürcüstan Maliyyə Nazirliyinin İstintaq Xidmətinin əməkdaşları saxta vergi sənədləri hazırlamaq-istifadə etmək, külli miqdarda dövlət büdcəsinin əmlakına ziyan vurma və dələduzluq yolu ilə külli miqdarda əmlakı gizlətmək ittihamı ilə 3 nəfəri saxlayıb.

InterPress.ge xəbər verir ki, bu barədə İstintaq Xidməti məlumat yayır.

İstintaq Xidmətindən verilən məlumata görə, araşdırma zamanı müəyyən edilib ki, təqsirləndirilən şəxslər qanunsuz maddi fayda əldə etmək məqsədilə idarə etdikləri şirkətlərdən birinin adından 2016-2018-ci illər ərzində vergi orqanına dəqiqləşdirilmiş əlavə dəyər vergisi bəyannaməsi təqdim ediblər və saxta sənədləri qeydiyyatdan keçiriblər. Ümumi məbləği 2 209 207 lari olan saxta aktivlik yaradılıblar və sonra büdcəyə vergi öhdəliklərinin ödənilməsi üçün istifadə ediblər.

İstintaqla o da müəyyən edilib ki, təqsirləndirilən şəxslər gözlənilən əmlak məsuliyyətindən yayınmaq üçün idarə etdikləri şirkətin adına olan 103 min 197 lari dəyərində daşınmaz və daşınar əmlakı dələduzluq və saxta vergi hesab-fakturaları yolu ilə öz nəzarətlərində olan başqa şirkətin adına rəsmiləşdiriblər və beləliklə dövlət əmlakı satmaqla şirkətin büdcəyə olan borcunu silmək imkanından məhrum edilib. Eyni zamanda, dələduzluq əməliyyatı nəticəsində əməliyyatda iştirak edən şirkət 1 146 101 lari məbləğində saxta ƏDV krediti əldə edib ki, bunun da 399 128 larisi büdcə vergilərinin ödənilməsinə yönəldilib.

İstintaq zamanı büdcəyə dəymiş ziyanın ödənilməsi məqsədi ilə təqsirləndirilən şəxslərin adına olan daşınmaz və daşınar əmlaklara, habelə bank hesablarına qadağa qoyulub.

Faktla bağlı Gürcüstan Cinayət Məcəlləsinin 210-cu maddəsinin ikinci hissəsi, Gürcüstan Cinayət Məcəlləsinin 185 və 205-ci maddələrinin ikinci və üçüncü hissələri ilə 6 ildən 9 ilədək müddətə azadlıqdan məhrumetmə cəzası nəzərdə tutulur.