Mixeil Saakaşvili: "Qarşıdakı günlərdə mübarizə daha da şiddətlənəcək"
"DTX fəal şəkildə mənim Qoridən həbsxanaya qaytarılacağımla bağlı şayiələr yayır - bütün bunlar məni və fəallarımızı şantaj etmək və diqqəti yayındırmaq üçün edilir".
InterPress.ge xəbər verir ki, Mixeil Saakaşvilinin Facebook səhifəsində növbəti məktub paylaşılıb.
Saakaşvilinin sözlərinə görə, qarşıdakı günlərdə mübarizə daha da şiddətlənəcək.
"Bu günlərdə DTX, həkimlərin qəti şəkildə əleyhinə olmasına baxmayaraq, mənim Qoridən həbsxanaya qaytarılacağımla bağlı fəal şayiələr yayır. Bütün bunlar, birincisi, məni və fəallarımızı şantaj etmək, ikincisi, diqqəti yayındırmaq, rejimin nəfəs almasına vaxt qazandırmaq üçün edilir. Nika Melianın DTX-ə tamamilə qeyri-qanuni və gülünc çağırılması da buna xidmət edir. Nika çox düzgün və ləyaqətlə cavab verdi.
Mən İvanişviliyə demək istəyirəm ki, məni hara aparmaq istəsəniz də, mən artıq işgəncələrə və qeyri-insani rəftara öyrəşmişəm və siz daha məni təəccübləndirə bilməzsiniz. Qarşıdakı günlərdə mübarizə daha da şiddətlənəcək və sizin məğlubiyyətinizə qədər dayanmayacaq. Yaxud gec olmadan ağlınıza başınıza alıb milli barışığa gəlsəniz, bu, hamı üçün ən yaxşı həll yoludur!", – Mixeil Saakaşvilinin məktubunda deyilir.
