Gürcüstana qayıdan bu şəxslər qrant alacaq

Mühacirətdən qayıdan daha 100-ə qədər Gürcüstan vətəndaşına gəlir əldə etmək, məşğulluğu və özünüməşğulluğu təşviq etmək üçün qrant veriləcək.

InterPress.ge xəbər verir ki, bu barədə Məcburi Köçkünlər Agentliyi məlumat yayır.

Məlumata görə, geri qayıdan miqrantların reinteqrasiyasına yardım üzrə dövlət proqramı Qaçqınların, Ekomiqrantların və Dolanışığın Təminatı Agentliyi tərəfindən həyata keçirilir və məqsədi reinteqrasiya prosesinə dəstək verməkdir.

Agentliyin direktoru Besarion Simonişvilinin sözlərinə görə, proqramda iştirak etmək istəyənlər üçün ərizələr ildə iki dəfə qəbul edilir.

"Dövlətdən maliyyə alacaq 100-ə qədər geri qayıdan miqrant əvvəlcədən müəyyən edilmiş meyarlara uyğun olaraq xüsusi komissiya tərəfindən müəyyən edildi. Proqram iştirakçıları fəaliyyətə başlamaq və ya genişləndirmək üçün lazım olan avadanlıq və inventarı özləri seçdilər. Vətənlərinə qayıtdıqdan sonra onların gəlir mənbəyinin olması və artıq ölkəni tərk etmək məcburiyyətində qalmamaları vacibdir", - Besarion Simonişvili bildirib.

Proqram gəlir layihələrini maliyyələşdirməklə yanaşı, peşə təhsili, tibbi xidmət və müvəqqəti yaşayış üçün maliyyə vəsaitini nəzərdə tutur.