Yaşıl pasportla bağlı tədbirlər sərtləşdirilə bilər
"Yaşıl pasportla bağlı bütün tədbirlərin və digər icra mexanizmlərinin əhəmiyyətli dərəcədə sərtləşdirilə biləcəyini istisna etmirəm".
InterPress.ge xəbər verir ki, bunu səhiyyə naziri Ekaterine Tikaradze Gürcüstanın Birinci Kanalının "Günün mövzusu" proqramında deyib.
“Təbii ki, Gürcüstan da yeni ştamma hazır olduğunu bəyan etməyə və əlavə qabaqlayıcı tədbirlər görməyə diqqət yetirir. Səhiyyə Nazirliyində fəaliyyət göstərən Kovid Şurası dünən toplaşdı. Peşəkarlarımız və ekspertlərimiz bəzi nəticələr hazırlayacaq, onları çərşənbə axşamı Şuraya təqdim edəcəyik, əlavə qərarlar qəbul edəcəyik və istisna etmirəm ki, yaşıl pasportla bağlı bütün tədbirlər, eləcə də digər icra mexanizmləri xeyli sərtləşdiriləcək. Kovid keçirənlər üçün üçün yaşıl pasportun vaxtına yenidən baxıla bilər. Elmi təcrübədə bunun daimi olacağı təqdirdə müəyyən risklər görürük. Biz bu riskləri şuraya təqdim edəcəyik və risklər nəzərə alınarsa, ümid edirik ki, bu əlavə tövsiyələr şura tərəfindən nəzərə alınacaq”, - deyə Tikaradze bildirib.
Verilişin aparıcısının yeni ştammın qeydə alınması təqdirdə yanaşmaların dəyişib-dəyişməyəcəyi və qaydaların sərtləşdirilib-sərtləşdirilməyəcəyi ilə bağlı sualına səhiyyə naziri bildirib ki, yeni ştammın qeydə alınması zamanı təbii ki, Səhiyyə Nazirliyi nəzarət və tövsiyələri ciddi şəkildə sərtləşdiriləcək.
Tamta Sanikidzenin yaxın zamanlara yaşıl pasportun təqdim edilməli olan obyektlərin və sahələrin (məsələn, ictimai nəqliyyat) genişləndirib- genişləndirilməyəcəyi sualına Ekaterine Tikaradze bildirib ki, Gürcüstanda yeni ştamm hələ qeydə alınmadığı üçün bu qərarı çərşənbə axşamı vermək düzgün olmaz.
"İndiki mərhələdə Gürcüstanda yeni ştamm olmadığı üçün çərşənbə axşamı bu qərarın verilməsini düzgün hesab etmirəm. Bu bir cavabdır. Bundan əlavə, kovid icazəsinin fəaliyyət göstərdiyi müəssisələrin siyahısı təsadüfi deyil. Kovid icazəsinin qaydalarını mərhələli şəkildə müşahidə etmək, onun fəaliyyət mexanizminə, icra mexanizminə nəzarət etmək, sonra mərhələli şəkildə digər sektorlara keçirmək vacibdir. Nəqliyyata gəldikdə, sizinlə razılaşıram ki, nəqliyyat müəyyən risklər ehtiva edir, lakin onu da qeyd etmək lazımdır ki, tənzimləmə yalnız tənzimləmə üçün qoyula bilməz. Hər bir qaydanın icra olunması vacibdir. Nəqliyyat məsələsində biz bəzi problemlər görürük ki, bu, yalnız uydurma tənzimləmə olacaq. Bu məqsədlə biz nəqliyyatda yaşıl icazənin necə daha tətbiq oluna bilən və nəzarət oluna biləcəyi ilə bağlı intensiv məsləhətləşmələr aparırıq. Yalnız bundan sonra biz hansı tövsiyələri verəcəyimizi və nəqliyyatla bağlı gələcək tənzimləmələrin nə olacağını formalaşdıracağıq", - Ekaterine Tikaradze bildirib.
