Batumidə dənizdə çıxan fırtına fəsadlar törətdi

Batumidə dənizdə fırtına səbəbindən yeni bulvarın bir neçə hissəsi zədələnib.

 InterPress.ge xəbər verir ki, dəniz əraziyə külli miqdarda zibil atıb, bir neçə yerdə bələdiyyə boruları partlayıb, ərazini su basıb. 

Batumi meriyasının xidmətləri təcili rejimdə işləyir. Hadisə yerinə “Sanitariya” və “Batumi Su”nun xüsusi texnikası səfərbər olunub.

Şəhər meri bildirib ki, bulvar ərazisini və dənizə gedən kanalları təmizləmək üçün səyyar qruplar gecə-gündüz çalışacaq.