Eduard Saakaşvili: "Yaxın gələcəyə ümid edirəm"

Gürcüstanın üçüncü prezidenti Mixeil Saakaşvilini böyük oğlu Qori Hərbi Hospitalında ziyarət edib.

InterPress.ge xəbər verir ki, Eduard Saakaşvili görüşdən sonra jurnalistlərə açıqlama verib.

Onun dediyinə görə, zəifliyinə baxmayaraq, Mixeil Saakaşvili sabahkı məhkəmə prosesində iştirak etmək istəyir.

“Zəiflik müşahidə olunur, lakin o, psixoloji olaraq yaxşıdır, prosesdə iştirak etmək arzusundadır və bu imkana sahib olacağına böyük ümid bəsləyirəm”, - Eduard Saakaşvili bildirib.

Üçüncü prezidentin oğlu atası ilə siyasətlə bağlı danışmadığını deyib.

"Bu, xoş görüş oldu və mən yaxın gələcəyə ümid edirəm. Biz siyasətdən danışmadıq", - Eduard Saakaşvili deyib.