Oktyabrda iqtisadiyyat 6,9% artıb

2021-ci ilin oktyabr ayında əvvəlki ilin eyni dövrü ilə müqayisədə ÜDM-in real artımı 6,9 faiz, 2021-ci ilin ilk on ayı üzrə orta göstərici isə 10,5 faiz təşkil edib.

InterPress.ge xəbər verir ki, bu  barədə Milli Statistika Xidməti məlumat yayır.

Geostat-dan verilən məlumata görə, 2021-ci ilin oktyabr ayında əvvəlki ilin eyni dövrü ilə müqayisədə istehsal, nəqliyyat və anbar təsərrüfatı, incəsənət, əyləncə və istirahət, elektrik enerjisi, qaz, buxar və kondisioner, maliyyə və sığorta, otellər və restoran, ticarət fəaliyyətləri kimi sahələrdə artım müşahidə olunub.

Milli Statistika Xidmətindən verilən məlumata görə, tikinti sektorunda azalma tendensiyası müşahidə olunub.