Bu gün Mixail Saakaşvilinin məhkəməsi keçiriləcək

Gürcüstanın keçmiş prezidenti Mixeil Saakaşvilinin 7 noyabr işi üzrə məhkəməsi noyabrın 29-da keçiriləcək.

InterPress.ge xəbər verir ki, məhkəmə saat 11:00-da Tbilisi Şəhər Məhkəməsində keçiriləcək.

Gürcüstanın keçmiş prezidentinin Qori Hərbi Hospitalından məhkəməyə aparılıb aparılmayacağı məlum deyil.  

Müttəhim Saakaşvilinin özü məhkəmələrində iştirak etməyi tələb edir. Öz növbəsində, işə baxan hakimlər kollegiyasından olan Liana Orkodaşvili deyib ki, keçmiş prezidenti məhkəməyə gəlmədən iclas keçirməyəcək.