Saakaşvili noyabrın 29-da keçiriləcək məhkəmə prosesində iştirak edə bilər

Saakaşvilinin səhhəti imkan verərsə, o, noyabrın 29-na təyin edilmiş məhkəmə prosesində iştirak edəcək.

InterPress.ge xəbər verir ki, bu barədə onun vəkili Beka Basilaia məlumat verib.

O bildirib ki, Mixeil Saakaşvili siyasi qisasın qurbanıdır.

“İvanişvilinin hökm etdiyi məhkəmə Mixeil Saakaşvilinin gürcü xalqı qarşısında mühakimə olunmaması üçün hər şeyi etdi, çünki məhkəmə gürcü xalqı adından hökm çıxarır. Gürcüstanda hakimiyyətin mənbəyi xalqdır, gürcü xalqı üçün Mixeil Saakaşvili absurd ittihamların mövzusu deyil, siyasi qisasın qurbanıdır. Belə bir şəraitdə vətəndaş cəmiyyətinin fəallığı və beynəlxalq təzyiq böyük əhəmiyyət kəsb edir, bunun fonunda Mixeil Saakaşvilinin məhkəməyə aparılması üçün pəncərə yarandı, biz bunu ilk gündən tələb edirdik. Ümid edirik ki, bu imkan noyabrın 29-da reallaşacaq.

Mixeil Saakaşvili bu proseslərdə, müzakirələrdə iştirak etmək istəyir. Ona görə də ümid edirik ki, o, bunu etmək üçün fiziki imkana malik olacaq”, – Basilaia bildirib.