Aİ səfiri: "Son 24 saat ərzində gördüklərimiz Mixeil Saakaşvilinin sağlamlığına diqqət yetirməyin nə qədər vacib olduğunu bir daha xatırladır"

“Mən Avropa İttifaqının Xalq Müdafiəçinin işinə, o cümlədən Mixeil Saakaşvili ilə bağlı vəziyyətə nəzarət və onun hüquqlarının qorunmasındakı roluna güclü dəstəyini vurğulamaq istəyirəm”.

InterPress.ge xəbər verir ki, bunu Aİ-nin Gürcüstandakı səfiri Karl Hartzel deyib.

O, səhhəti ilə bağlı verilən tövsiyələrin həyata keçirilməsinin zəruri və kritik əhəmiyyət kəsb etdiyini bildirib.

“Son 24 saat ərzində gördüklərimiz Mixeil Saakaşvilinin sağlamlığına diqqət yetirməyin nə qədər vacib olduğunu bir daha xatırladır. Mövcud vəziyyətə gəlincə, mən hesab edirəm ki, bunu həll etmək üçün arqumentdən müvafiq addımların atılmasına keçməyin vaxtı çatıb”, - səfir bildirib.