Bolnisidə koronavirusa yeni yoluxmalar qeydə alınıb

"Koronavirus ilə əlaqədar 86 nəfərdə aparılan testin 15-də virus aşkarlanıb".

InterPress.ge xəbər verir ki, bu barədə Bolnisi meryasından bildirilib.

Koronavirusa yoluxanların 7-si Muşevani (Dəllər) kəndindən, 8-i isə Qeta (Aşağı Güləver) kəndindən olduğu bildirilir.

Ümumilikdə laboratoriyaya 131 nəfərin analizi göndərilib. 45 nəfərlə bağlı tədqiqat davam etdirilir.

Qeyd edək ki, bu günə kimi Bolnisidə 137 nəfərdə koronavirus aşkar edilib, onlardan 46-sı sağalıb, 3-ü isə dünyasını dəyişib.