Son sutkada koronavirusdan sağalanların sayı yoluxanların sayını ötdü

 Gürcüstanda yeni növ koronavirusa (COVID-19) son 24 saat ərzində 1 820 yeni yoluxma halı qeydə alınıb.

InterPress.ge xəbər verir ki, bu barədə məlumatı Milli Xəstəliklərə Nəzarət Mərkəzi yayıb.

Bununla da ölkədə virusa yoluxanların ümumi sayı 785 911 nəfərə çatıb.

Sağalanların sayına gəldikdə isə, ölkədə son 24 saat ərzində 6 017 sağalma qeydə alınaraq ümumi sağalanların sayı 722 399 nəfər təşkil edib.

Eyni zamanda bildirilir ki, bu gün koronavirusdan daha 82 nəfər ölüb və ölənlərin ümumi sayı 11 057 nəfər təşkil edib.