Parlament binası qarşısında aksiya başladı

“Milli Hərəkat”ın üzvləri və tərəfdarları parlament binası qarşısında aksiya keçirirlər.

InterPress.ge xəbər verir ki, etirazçılar Gürcüstanın üçüncü prezidenti Mixail Saakaşvilinin mülki klinikaya köçürülməsini və sərbəst buraxılmasını tələb edirlər. 

Aksiya iştirakçıları “Mişa, Mişa” şüarları səsləndiriblər. Onlar gürcü bayraqları və üzərində #FREESAAKASHVILI yazısı olan bannerlər gətiriblər.

Parlament binasının yaxınlığındakı Rustaveli prospekti aksiyaya görə bağlanıb. Polis hadisə yerinə səfərbər olunub.