Vahid Milli Hərəkat partiyasının sabah iki yerdə aksiyası keçiriləcək

“Milli Hərəkat”ın və onların tərəfdarlarının aksiyası noyabrın 12-də, saat 14:00-da paytaxtın iki müxtəlif bölgəsində keçiriləcək.

InterPress.ge xəbər verir ki, bu barədə “Milli Hərəkat”ın lideri Nika Melia partiya ofisində keçirdiyi brifinqdə deyib.

Məlumata görə, aksiya “300 Araqveli” və “Didube” metrostansiyalarının yaxınlığında keçiriləcək.

“Plan qələbəyə qədər dəyişməzdir, ona görə də biz paytaxtın coğrafi cəhətdən fərqli 2 nöqtəsində - saat 14:00-da “300 Araqveli” metrostansiyasında və saat 14:00-da “Didube” metrostansiyasının aşağı giriş-çıxışında toplanacağıq.

Qələbə üçün mübarizə! Bu ölkə azad olunana qədər mübarizə və bu ölkənin daha yaxşı gələcəyi üçün mübarizə!", - Melia deyib.