Ağır yol qəzası: hamilə qadın və yoldan keçənlər yaralanıb

Poti şəhərində baş verən yol qəzası zamanı 3 nəfər yaralanıb.

InterPress.ge xəbər verir ki, zərər çəkənlərin arasında hamilə qadın da var.

Şahidlərin sözlərinə görə, sürücü idarəetməni itirib, səkiyə çıxıb kişi və qadını vurub. Eyni zamanda avtomobildə olan hamilə qadın da zərər çəkib.

Həkimlərin dediyinə görə, yaralanan kişinin vəziyyəti ağırdır, başından və qarnından xəsarət alıb. Yoldan keçən və avtomobildə olan hamilə qadının xarici xəsarətləri var. Hər ikisinin vəziyyəti həkimlər tərəfindən qənaətbəxş olaraq qiymətləndirilir.

Daxili İşlər Nazirliyindən verilən məlumata görə, hadisə ilə əlaqədar Gürcüstan Cinayət Məcəlləsinin 276-cı maddəsinin 2-ci hissəsi, yol qaydalarının pozulması və sağlamlığa zərər vuran nəqliyyat vasitələrinin istismarı ilə əlaqədar istintaq başladılıb.