Tbilisidə ictimai nəqliyyat nə vaxt işləyəcək? - Kaladzenin cavabı

"Tbilisidə ictimai nəqliyyat müvafiq icazə alındıqdan sonra işə başlayacaq".

InterPress.ge xəbər verir ki, bu barədə Tbilisi meri Kaxa Kaladze bildirib.

Kaladzenin sözlərinə görə, meriyanın qaynar xəttinə tez-tez zəng vururlar və ictimai nəqliyyatın nə vaxt işə başlayacağını soruşurlar.

"Bu, bizim verəcəyimiz qərar deyil. Biz mütəxəssislərin qərarını gözləyirik. İctimai nəqliyyatın bu gündən başlaya biləcəyini dedikləri kimi, biz tam hazır vəziyyətdəyik və ictimai nəqliyyat dərhal işə başlayacaq" dedi Kaladze.