Marneulidə bir nəfər saxlanıldı - VİDEO

DİN-in Kvemo Kartli Polis Departamentinin əməkdaşları həyata keçirdikləri əməliyyat-axtarış və istintaq tədbirləri nəticəsində 1974-cü il təvəllüdlü N.K.-nı Marneulidə, 1992-ci il təvəllüdlü L.K.-nı isə Poniçala qəsəbəsində saxlayıblar.

InterPress.ge xəbər verir ki, bu barədə Daxili İşlər Nazirliyi məlumat yayır.

Onlar xüsusilə külli miqdarda narkotik vasitələrin qanunsuz alınmasında və saxlanmasında ittiham olunurlar.

Hüquq-mühafizə orqanlarının əməkdaşları Poniçala qəsəbəsində L.K.-nın şəxsi axtarışı nəticəsində sübut kimi 700 qram heroin tərkibli narkotik vasitə götürüb.

N.K.-ya gəlincə, polis onu Marneulidə saxlayıb. Hüquq-mühafizə orqanlarının əməkdaşları onun şəxsi və yaşayış evinə baxış nəticəsində sübut kimi yarım kiloqramdan artıq “heroin” tərkibli narkotik vasitə götürüblər.

Xüsusilə külli miqdarda narkotik vasitələrin qanunsuz alınması və saxlanması faktları üzrə Gürcüstan Cinayət Məcəlləsinin 260-cı maddəsinin 6-cı hissəsi ilə araşdırma aparılır.

Cinayət 8 ildən 20 ilədək və ya ömürlük azadlıqdan məhrumetməni nəzərdə tutur.