Rustavi həbsxanası qarşısında bir neçə nəfər saxlanıldı

Rustavi həbsxanası yaxınlığında keçirilən etiraz aksiyası zamanı polis bir neçə nəfəri saxlayıb.

InterPress.ge xəbər verir ki, bir neçə dəqiqə əvvəl fəallar Rustavidəki 12-ci cəzaçəkmə müəssisəsinin yaxınlığında çadırlar qurublar.  

Onların sözlərinə görə, bir çox etirazçı məqsədinə çatana qədər həbsxananın yaxınlığında çadırlarda qalmağa hazırlaşır.

Məlumat üçün bildirək ki, Nika Melia mitinqdə Bidzina İvanişviliyə 24 saat vaxt verdiyini bildirib. Onun sözlərinə görə, bazar ertəsi saat 20.00-da bütün Gürcüstan Azadlıq meydanına toplaşacaq.