Rustavidə genişmiqyaslı aksiya keçiriləcək - ELAN EDİLDİ

Vahid Milli Hərəkat noyabrın 6-da, saat 17:00-da Rustavi həbsxanası yaxınlığında etiraz aksiyası keçirəcək.  

InterPress.ge xəbər verir ki, bu barədə brifinqdə Vahid Milli Hərəkatın sədri Nika Melia bildirib.

Melianın izah etdiyinə görə, mitinq Gürcüstanın üçüncü prezidenti Mixail Saakaşvili mülki klinikaya köçürülənə qədər davam edəcək.

"Sabah saat 17:00-da Rustavi həbsxanası yaxınlığında çox adam toplaşmalıyıq. Bu aksiya daimi və böyüyən olacaq. Sabah orada qalaraq aksiyaya başlayacağıq. Zaman-zaman bütün rayonlardan, şəhərlərdən, kəndlərdən bütün vətənpərvər vətəndaşlar bizə qoşulacaq. Saakaşvili mülki tibb müəssisəsinə köçürülənə qədər biz orada olacağıq", - Nika Melia bildirib.