DTX-dan Saakaşvili ilə bağlı ŞOK bəyanat...

Gürcüstanda dövlət çevrilişinə hazırlıqla bağlı planlar olub.

InterPress.ge xəbər verir ki, bu barədə ölkənin Dövlət Təhlükəsizliyi Xidmətində (DTX) keçirilən brifinqdə bildirilib.

Qeyd olunub ki, üçüncü prezident Mixeil Saakaşvilinin tərəfdarları dövlət əleyhinə hərəkətlər həyata keçirmək niyyətində olublar. Onlar sabiq dövlət başçısının xəstəxanaya və ya digər həbsxanaya köçürüləcəyi halda yolları bağlamaq, xaos və nəzarət olunmayacaq vəziyyət yaratmaq barədə düşünüblər.

DTX-dən verilən məlumata görə, iş üzrə cəzaçəkmə müəssisəsinə məlumat verilib və iş iştirakçıları dindirilməkdən imtina ediblər, ona görə də qanunvericiliyə uyğun olaraq məhkəmədə dindiriləcəklər. Liluaşvili idarəsi işin iştirakçılarının kim olduğunu dəqiqləşdirməyib.

DTX, həmçinin Mixail Saakaşvilinin prezident kitabxanasında qeyd olduğunu söylədiyi səsli sübutlar təqdim edib. Səs yazısı 2 saatlıqdır və cinayət işinə əlavə olunub.

İdarə nümayəndəsinin sözlərinə görə, səsli sübutlarda VMH üzvləri arasında söhbət gedir.

"Oxşar hərəkətlər məhkum Mixail Saakaşvilinin digər müəssisələrə aparılması zamanı da baş verə bilər. DTX faktla bağlı dərhal Penitensiar Xidmətə yazılı məlumat verdi. Qeyd edək ki, iş üzrə şahid qismində dindirilən təqsirləndirilən şəxslər istintaq orqanına gəlməkdən imtina etdilər və bu səbəbdən də qanunvericiliyə uyğun olaraq məhkəmədə dindiriləcəklər", - deyə DTX-dən bildirilib. 

Faktla bağlı Cinayət Məcəlləsinin Konstitusiya quruluşunun zorla dəyişdirilməsi, dövlət çevrilişi, hakmiyyətin ələ keçirilməsinə yönələn hərəkətlər maddəsi üzrə istintaq aparılır.

Cinayətdə 5 ildən 8 ilə qədər həbs cəzası nəzərdə tutulur