Benzin bir ildə 44,0% bahalaşdı

Gürcüstan Milli Bankı 2021-ci ilin sentyabr ayı üçün “Aylıq İcmal”ı dərc edib.

InterPress.ge xəbər verir ki, sənədə görə, dünyada hərəkətliliyin bərpası ilə neftə tələbat artıb və nəticədə yanacağın da bahalaşmasına səbəb olub.

2020-ci ilin sentyabr ayı ilə müqayisədə benzinin qiyməti 44,0 faiz, dizel yanacağının qiyməti isə 37,0 faiz bahalaşaraq illik inflyasiyaya 1,9 faiz punktla öz töhvəsini verib.

2021-ci ilin sentyabrında illik inflyasiya 12,3 faiz, qiymətlər isə avqust ayı ilə müqayisədə sentyabrda 0,2 faiz artıb.