Mixail Saakaşvili aclıq aksiyası ilə bağlı yeni qərar qəbul etdiyini açıqladı

Gürcüstanın üçüncü prezidenti Mixail Saakaşvili şura ilə əlaqələri kəsir və aclığı yüngülləşdirən müalicədən imtina edir. 

InterPress.ge xəbər verir ki, bu barədə onun vəkili Qiorqi Qelxaurinin 12 saylı cəzaçəkmə müəssisəsini tərk etdikdən sonra jurnalistlərə təqdim etdiyi müraciətdə deyilir.
 
“Bildiyiniz kimi, mən hökumətin təyin etdiyi tibbi şura ilə əməkdaşlıq edirdim, yeganə məqsədim seçki gününə qədər minimum iş və düşünmə qabiliyyətimi saxlamaq idi. Mən bu əməkdaşlığı bu gün tamamlayıram. Şura üzvlərinə minnətdaram və təəssüf edirəm ki, hökumət onların əsas tövsiyəsinə məhəl qoymadı. Bu gündən sonra mən daha aclığı yüngülləşdirmək üçün müalicə almayacağam və daha analizlərdən keçməyəcəyəm.

Gürcüstana ona görə gəldim ki, zənn etdim ölkəmiz nəhayət totalitarizmə doğru gedir. Nəhayət bu seçkidə buna son qoymağa və geri addım atmağa çalışmalıyıq. Birinci turda müxalifət həqiqətən də ciddi uğur qazandı və bütün böyük şəhərlərdə ikinci tura keçdi, hətta bir neçə yerdə birinci yeri tutdu", - Saakaşvilinin məktubunda deyilir.