Marneulidə qanunsuz odlu silah əldə edən şəxs saxlanıldı

Polis Tbilisi və regionlarda qanunsuz odlu silah və sursat götürüb - dörd nəfər saxlanılıb. 

InterPress.ge xəbər verir ki, məlumatı Daxili İşlər Nazirliyi yayır.

Daxili İşlər Nazirliyinin əməkdaşlarının həyata keçirdikləri əməliyyat-axtarış və istintaq tədbirləri nəticəsində müxtəlif vaxtlarda Tbilisi, Marneuli, Lentexi və Axalçixe bələdiyyələrində qanunsuz odlu silah və döyüş sursatları götürüb, 4 nəfər saxlanılıb.

Tbilisi Polis Departamentinin Vake-Saburtalo Baş İdarəsinin əməkdaşları keçmişdə məhkum olunmuş 1975-ci il təvəllüdlü N.B.-ni qanunsuz olaraq odlu silah və döyüş sursatı almaq, saxlamaq və gəzdirmək ittihamı ilə Tbilisidə saxlayıblar.

İkinci təqsirləndirilən şəxs, əvvəllər məhkum olunmuş 1974-cü il təvəllüdlü Q.L.-ya gəlincə, İmereti, Raça-Leçxumi və Kvemo Svaneti Polis Departamentinin əməkdaşları tərəfindən qanunsuz olaraq odlu silah və döyüş sursatı almaq və saxlamaq ittihamı ilə Lentexi bələdiyyəsində saxlanılıb. 

Samçxe-Cavaxeti Polis Departamentinin Dedektivlər Baş İdarəsinin əməkdaşları həyata keçirdikləri əməliyyat-axtarış və istintaq tədbirləri nəticəsində qanunsuz olaraq odlu silah və döyüş sursatı almaq və saxlamaqda 1982-ci il təvəllüdlü Z.J.-ni Axalçixe bələdiyyəsində saxlayıblar.

Kvemo Kartli Polis Departamentinin Marneuli rayon şöbəsinin əməkdaşları 1992-ci il təvəllüdlü G.Ş.-ni Marneulidə saxlayıblar. O, qanunsuz olaraq odlu silah və döyüş sursatı almaqda, saxlamaqda və gəzdirməkdə ittiham olunur.

Gürcüstan Cinayət Məcəlləsinin 236-cı maddəsinin 3-cü və 4-cü hissələri ilə qanunsuz olaraq odlu silah və döyüş sursatı əldə etmə, saxlama və gəzdirmə faktları ilə bağlı araşdırma aparılır.

Cinayətlər 3 ildən 7 ilədək müddətə azadlıqdan məhrumetməni nəzərdə tutur.