Sürücülərin nəzərinə! Tbilisidə bu yollara məhdudiyyət tətbiq olacaq

Rustaveli prospektində keçirilməsi planlaşdırılan aksiya ilə əlaqədar sentyabrın 27-si saat 00:00-dan etibarən Azadlıq meydanında nəqliyyatın hərəkəti müvəqqəti məhdudlaşdırılacaq. 

InterPress.ge xəbər verir ki, bu barədə Tbilisi meriyası məlumat yayıb.

"K. Abxazia və Ş. Dadiani küçələrindən Azadlıq meydanı istiqamətində hərəkət məhdud olacaq. Şəxsi avtomobillərin hərəkətinə Leonidze, İnqoroğva, A. Çavçavadze, Qriboedov, Barataşvili və Tabukaşvili küçələrinin köməyi ilə icazə veriləcək.

Rustaveli prospektinə gəlincə, Respublika meydanından Azadlıq meydanına qədər olan yol hissəsində sabah saat 17:00-dan etibarən avtomobillərin hərəkəti məhdudlaşdırılacaq. N. Barataşvili körpüsünün yaxınlığındakı enişə və Rustaveli prospektindən Birinci Respublika meydanına qədər hərəkət mümkün olacaq. 

Melikişvili küçəsindən Mtatsminda küçələrinə Canaşia, Tarxnişvili, Tatişvili, Çovelidze, Zandukeli küçələri ilə, sonra isə Barnovi, Qoqebaşvili və Kakabadze küçələrindən istifadə etməklə getmək olar. Mtatsminda rayonundan Melikişvili küçəsinə və “Rustaveli” metrostansiyasının ərazisinə Qriboedov, Mağaşvili, Barnovi və Şanidze küçələrindən keçməklə icazə veriləcək. 

Rustaveli metrostansiyasının yaxınlığından Azadlıq meydanına doğru hərəkət edən şəxsi avtomobillər Rustaveli prospektinə Zeytun Ağacından döndükdən sonra Mixail Cavaxişvili küçəsi və Mtkvarinin sağ sahilinin köməyi ilə hərəkət edə bildəcəklər", - məlumatda deyilir.